Ky trajnim aftëson kandidatët në përdorimin e platformës për digjitalizim të monitorimit dhe evaluimit të cilësisë në shkollë, të kuptuarit e rëndësisë së indikatorëve të cilësisë dhe gjenerimin automatik të raporteve të monitorimit dhe evaluimit të cilësisë.

Temat që ligjërohen në këtë trajnim janë:

• Njohja me modulin elektronik Monitorimi dhe evaluimi
• Njohja me funksionalitetet e modulit
• Indikatorët që sigurojnë cilësinë nëpër shkolla
• Nxjerrja e raporteve për indikatorët e sigurimit të cilësisë nëpër shkolla

Të gjithë kandidatët të cilët e përfundojnë me sukses këtë trajnim do të jenë në gjendje të:

• Kuptojnë rëndësinë e monitorimit dhe evaluimit të indikatorëve të cilësisë
• Dijnë t’i përdorin funksionet kyçe të platformës digjitale për monitorim dhe evaluim të cilësisë
• Krijojnë pyetësor për të mbledhur informata për indikatorë të ndryshëm (p.sh. niveli i përmbushjes së pritshmërisë të bizneseve në raport me kurset e ofruara, apo niveli i përmbushjes së pritshmërisë të nxënësve apo mësimdhënësve në raport me materialet mësimore, etj.)
• Gjenerojnë raporte semestrale, gjysmë-vjetore, vjetore, apo sipas nevojës.

Për të siguruar nxënie efektive të materialeve të trajnimt, aplikohen metodologjitë vijuese të punës:

• Teori
• Demonstrim
• Diskutim

Trajnimi ligjërohet përmes prezantimit në sallën e trajnimeve ose virtualisht përmes platformës ZOOM, ku trajneri dhe ndihmës-trajneri shpjegojnë modulin. Kandidatët pajisen me librin e modulit dhe iu jepet hapësira për diskutim.

Trajnimi iu dedikohet grupeve në vijim:

• Koordinatorëve të cilësisë
• Punonjësve të administratës së shkollës
• Menaxhmentit të shkollës

Ky program trajnues përbëhet prej 16 orëve nga të cilat janë:

• 8 orë trajnim
• 4 orë e-learning
• 4 orë mentorim

Kandidatët kanë mundësi të pajisen me certifikatë pas vlerësimit të suksesshem në kriteret vijuese:

1. Pjesëmarrja në trajnim
2. Detyrat për certifikim