Ky modul shtjellon dobitë e aktiviteteve jashtë kurrikulare që ndërlidhen me orientimin në karrierë në aspektin e zhvillimit personal, profesional dhe akademik të nxënësve.

Temat që ligjërohen në këtë trajnim janë:

• Roli dhe rëndësia e aktiviteteve jashtë-kurrikulare
• Ndërlidhja me Kornizën Kurrikulare
• Njohja me mundësitë e shkollimit dhe aftësimit profesional pas përfundimit të shkollës së mesme
• Shtjellimi i aktiviteteve siç janë: Dita e dyerve të hapura, Java e karrierës, Panairi i punës, Vëzhgimi i drejtpërdrejtë, Klubi i karrierës në SHMP dhe gjimnaze, Punëtoritë për orientim në karrierë dhe ndërmarrësi dhe sesionet informuese me maturantë.

Të gjithë kandidatët të cilët e përfundojnë me sukses këtë trajnim do të jenë në gjendje të:

• Kuptojnë rëndësinë e orientimit në karrierë
• Identifikojnë aktivitetet kyçe për orientim në karrierë
• Dinë t’i planifikojnë aktivitetet përgjatë klasave VI – XII
• Dinë t’i planifikojnë resurset e domosdoshme për implementimin e aktiviteteve që ndërlidhen me ofrimin e shërbimeve të orientimit në karriere
• Përgatisin leksione për Orientim në Karrierë drejt përmbushjes së obligimeve që dalin nga planet dhe programet mësimore
• Organizojnë aktivitete brenda klasës, brenda shkollës në bashkëpunim me mësimdhënës tjerë si dhe me shkolla tjera të niveleve të ndryshme
• Iniciojnë projekte që ndërlidhen me orientimin e nxënësve dhe edukimin e tyre në karrierë
• Përpilojnë planin vjetor të aktiviteteve për orientim në karrierë të koordinuar me mësimdhënës tjerë.

Për të siguruar nxënie efektive të materialeve të trajnimt, aplikohen metodologjitë vijuese të punës:

• Shpjegim teorik
• Demonstrim
• Diskutim

Trajnimi ligjërohet përmes prezantimit në sallën e trajnimeve ose virtualisht përmes platformës ZOOM, ku trajneri dhe ndihmës-trajneri shpjegojnë modulin. Kandidatët pajisen me librin e modulit dhe iu jepet hapësira për diskutim.

Trajnimi iu dedikohet grupeve në vijim:

• Mësimdhënësve të fushës Jeta dhe Puna
• Koordinatorëve të cilësisë
• Punonjësve të administratës së shkollës
• Menaxhmentit të shkollës

8 orë trajnimi përgjatë 1 dite

Kandidatët kanë mundësi të pajisen me certifikatë pas vlerësimit të suksesshem në kriteret vijuese:

1. Pjesëmarrja në trajnim
2. Detyrat për certifikim