Ky modul i shtjellon krijimin e bankës së pyetjeve e cila shërben si magazinë e pyetjeve të kategorive, llojeve dhe niveleve të ndryshme të vështirësisë.

Temat që ligjërohen në këtë trajnim janë:

• Informata të përgjithshme mbi sistemin automatik të krijimit të testeve
• Publikimi i formateve të ndryshme të pyetjeve të testeve
• Shtjellimi i funksionaliteteve të bankës së pyetjeve
• Krijimi i bankës së pyetjeve dhe menaxhimi i saj

Të gjithë kandidatët të cilët e përfundojnë me sukses këtë trajnim do të jenë në gjendje të:

• Kuptojnë rëndësinë e sistemit automatik për testim
• Regjistrohen me sukses në platformë
• Përdorin funksionet për abonim te autorët e testeve
• Gjejnë historinë e testeve të krijuara më parë
• Kuptojnë konceptin e bankës së pyetjeve dhe funksionet kyçe të kësaj komponentë
• Krijojnë dhe menaxhojnë bankën e pyetjeve

Për të siguruar nxënie efektive të materialeve të trajnimt, aplikohen metodologjitë vijuese të punës:

• Shpjegim teorik
• Demonstrim
• Diskutim

Trajnimi ligjërohet përmes prezantimit në sallën e trajnimeve ose virtualisht përmes platformës ZOOM, ku trajneri dhe ndihmës-trajneri shpjegojnë modulin. Kandidatët pajisen me librin e modulit dhe iu jepet hapësira për diskutim.

Trajnimi iu dedikohet grupeve në vijim:

• Mësimdhënësve të fushës Jeta dhe Puna
• Koordinatorëve të cilësisë
• Punonjësve të administratës së shkollës
• Menaxhmentit të shkollës

8 orë trajnimi përgjatë 1 dite

Kandidatët kanë mundësi të pajisen me certifikatë pas vlerësimit të suksesshem në kriteret vijuese:

1. Pjesëmarrja në trajnim
2. Detyrat për certifikim