Ky modul shtjellon funksionalitetet e platformës dhe mbështetjen që ajo ofron në zbatimin e 5 hapave të procesit të orientimit në karrierë.

Temat që ligjërohen në këtë trajnim janë:

• Shtjellimi i 5 hapave të orientimit në karrierë
• Mbështetja e moduleve të Busulla.COM në procesin e orientimit në karrierë
• Njohja me modulet e Busulla.COM: Testet e karrierës, Profesionet, Shkollat/Universitetet, Puna dhe praktika dhe Këshilltari.

Të gjithë kandidatët të cilët e përfundojnë me sukses këtë trajnim do të jenë në gjendje të:

• Shpjegojnë 5 hapat e orientimit në karrierë
• Shpjegojnë funksionet kyçe të platformës zyrtare të MASHT-it për orientim në karrierë, Busulla.COM
• Shpjegojnë aplikacionet mobile të Busulla.COM (iOS dhe Android)
• Monitorojnë progresin e nxënësve përmes veglave të platformës Busulla.COM
• Shtjellojnë testet e karrierës, siç janë testi IVAP, Testi i Potencialit dhe BasicCheck.
• Eksplorojnë profesionet, shkollat dhe universitet, si dhe identifikoj pozita të lira të punës dhe praktikës
• Shfrytëzojnë modulin e Këshilltarit për t’u ofruar nxënësve mbështetje në procesin e orientimit në karrierë

Për të siguruar nxënie efektive të materialeve të trajnimt, aplikohen metodologjitë vijuese të punës:

• Shpjegim teorik
• Demonstrim
• Diskutim

Trajnimi ligjërohet përmes prezantimit në sallën e trajnimeve ose virtualisht përmes platformës ZOOM, ku trajneri dhe ndihmës-trajneri shpjegojnë modulin. Kandidatët pajisen me librin e modulit dhe iu jepet hapësira për diskutim.

Trajnimi iu dedikohet grupeve në vijim:

• Mësimdhënësve të fushës Jeta dhe Puna
• Koordinatorëve të cilësisë
• Punonjësve të administratës së shkollës
• Menaxhmentit të shkollës

8 orë trajnimi përgjatë 1 dite

Kandidatët kanë mundësi të pajisen me certifikatë pas vlerësimit të suksesshem në kriteret vijuese:

1. Pjesëmarrja në trajnim
2. Detyrat për certifikim