Ky trajnim iu mundëson kandidatëve të kuptojnë rëndësinë e ndërlidhjes ndërmjet sistemit të arsimit dhe tregut të punës dhe të aftësohen në përdorimin e modulit elektronik për të kuptuar nevojat e tregut të punës dhe identifikimin e palëve me interes për fushën e institucionit arsimor.

Temat që ligjërohen në këtë trajnim janë::

• Rëndësia e ndërlidhjes së sistemit të arsimit me tregun e punës
• Identifikimi i palëve me interes për institucionin arsimor
• Krijimi i pyetësorëve për të identifikuar nevojat e tregut të punës për trajnim, profil apo profesion specifik
• Analizimi i kompetencave dhe azhurnimi i standardeve të profesionit

Të gjithë kandidatët të cilët e përfundojnë me sukses këtë trajnim do të jenë në gjendje të:

• Njohjin modulet elektronike Kërkesa e bizneseve për profile dhe Analiza e Kompetencave
• Shpjegojnë funksionalitetet e moduleve elektronike
• Krijojnë pyetësorë të ndryshëm
• Përmbledhin rezultatet e dalura nga pyetësorët e mbledhur
• Prezantojnë rezultatet pranë AKK dhe autoriteteve tjera

Për të siguruar nxënie efektive të materialeve të trajnimt, aplikohen metodologjitë vijuese të punës:

• Teori
• Demonstrim
• Diskutim

Trajnimi ligjërohet përmes prezantimit në sallën e trajnimeve ose virtualisht përmes platformës ZOOM, ku trajneri dhe ndihmës-trajneri shpjegojnë modulin. Kandidatët pajisen me librin e modulit dhe iu jepet hapësira për diskutim.

Trajnimi iu dedikohet grupeve në vijim:

• Koordinatorëve të cilësisë
• Punonjësve të administratës së shkollës
• Menaxhmentit të shkollës

Ky program trajnues përbëhet prej 16 orëve nga të cilat janë:

• 8 orë trajnim
• 4 orë e-learning
• 4 orë mentorim

Kandidatët kanë mundësi të pajisen me certifikatë pas vlerësimit të suksesshem në kriteret vijuese:

1. Pjesëmarrja në trajnim
2. Detyrat për certifikim