Ky modul i shtjellon të gjitha aspektet e përdorimit dhe interpretimit të testeve të karrierës.

Temat që ligjërohen në këtë trajnim janë:

• Teoria e Holland-it mbi kongruencën midis personalitetit dhe profesionit/mjedisit të punës
• Modeli Ginzberg-ut dhe teoria e zhvillimit profesional e Donald Super
• Faktorët kryesorë që ndikojnë në përzgjedhjen e karrierës dhe rëndësia e qasjes psikologjike
• Testet IVAP, testin e Potencialit dhe BasicCheck
• Faza e vetë-reflektimit dhe përcaktimi i objektivave

Të gjithë kandidatët të cilët e përfundojnë me sukses këtë trajnim do të jenë në gjendje të:

• Interpretojnë rezultatet e testeve të IVAP-it (interesave, vlerave, aftësive dhe preferencave) si dhe te testeve te potencialit.
• Ofrojnë këshilla nxënësve për ndërlidhjen e profesioneve me rezultatet e IVAP-it dhe Testit të Potencialit
• Ofrojnë përgjigje në pyetje të nxënësve në rast se nxënësit nuk e gjejnë profesionin e dëshiruar në mesin e profesioneve të rekomanduara, arsyeja apo shpjegimi, cilët janë faktorët dhe arsyet që e bëjnë një profesion të mos jetë ndër të parët, etj.
• Shpjegojnë instrumentet e IVAP-it dhe Testit të Potencialit.

Për të siguruar nxënie efektive të materialeve të trajnimt, aplikohen metodologjitë vijuese të punës:

• Shpjegim teorik
• Demonstrim
• Diskutim

Trajnimi ligjërohet përmes prezantimit në sallën e trajnimeve ose virtualisht përmes platformës ZOOM, ku trajneri dhe ndihmës-trajneri shpjegojnë modulin. Kandidatët pajisen me librin e modulit dhe iu jepet hapësira për diskutim.

Trajnimi iu dedikohet grupeve në vijim:

• Mësimdhënësve të fushës Jeta dhe Puna
• Koordinatorëve të cilësisë
• Punonjësve të administratës së shkollës
• Menaxhmentit të shkollës

16 orë trajnimi përgjatë 2 ditëve

Kandidatët kanë mundësi të pajisen me certifikatë pas vlerësimit të suksesshem në kriteret vijuese:

1. Pjesëmarrja në trajnim
2. Detyrat për certifikim